by సూర్య | Fri, Apr 19, 2024, 05:11 PM

తమిళ స్టార్ హీరో అజిత్ కుమార్ తన తదుపరి సినిమాని టాలీవుడ్ టాప్ ప్రొడక్షన్ హౌస్ మైత్రీ మూవీ మేకర్స్‌తో కలిసి చేస్తున్నట్లు చాలా కాలంగా పుకార్లు వినిపించాయి కానీ దర్శకుడిపై క్లారిటీ లేదు. తాజాగా మైత్రీ మూవీ మేకర్స్ తమ కొత్త ప్రాజెక్ట్‌ను నటుడు అజిత్ కుమార్‌తో గుడ్ బ్యాడ్ అగ్లీ పేరుతో అధికారికంగా ప్రకటించారు.

తాజాగా ఇప్పుడు ఈ సినిమాలో బాలీవుడ్ స్టార్ హీరో జాన్ అబ్రాహం కీలక పాత్రలో కనిపించనున్నట్లు ఫిలిం సర్కిల్ లో వార్తలు వినిపిస్తున్నాయి. ఈ సినిమా షూటింగ్ జూన్ 2024లో ప్రారంభమవుతుంది. గుడ్ బ్యాడ్ అగ్లీ 2025 పొంగల్‌కి గ్రాండ్‌గా విడుదల కానుంది.

మార్క్ ఆంటోని ఫేమ్ అధిక్ రవిచంద్రన్ రచన మరియు దర్శకత్వం వహించనున్న ఈ చిత్రానికి రాక్ స్టార్ దేవి శ్రీ ప్రసాద్ సంగీతాన్ని అందించనున్నారు. నవీన్‌ యెర్నేని, రవిశంకర్‌ ఈ సినిమాని నిర్మిస్తున్నారు.