by సూర్య | Mon, Feb 26, 2024, 02:42 PM

తన పేరును కొందరు రాజకీయంగా వాడుకుంటున్నారని, అలాంటి చర్యలను తాను అస్సలు క్షమించబోనని నటుడు, నిర్మాత మోహన్ బాబు అన్నారు. ఈ విషయమై ఎక్స్ వేదికపై తన పేరును అనవసరంగా వాడితే చట్టపరమైన చర్యలు తీసుకుంటామని ఓ ప్రకటన చేశారు. కొందరు రాజకీయ ప్రయోజనాల కోసం నా పేరును వాడుకుంటున్నారని నా దృష్టికి వచ్చిందని, కాబట్టి దయచేసి ఏ పార్టీ వారి స్వలాభం కోసం నా పేరును వాడుకోవద్దు.
అనేక రకాల భావోద్వేగాలు కలిగిన వ్యక్తుల ప్రపంచంలో మనం జీవిస్తున్నాం. ఎవరి అభిప్రాయాలు వారివి. వీలైతే నలుగురికి సహాయం చేయడంపై దృష్టి పెట్టగలగాలి. సంబంధం లేని వ్యక్తులను రాజకీయ పార్టీల్లోకి, వాటి అనుబంధ సంస్థల్లోకి తీసుకురావడం బాధాకరమన్నారు. నాకు సపోర్ట్ చేసిన ప్రతి ఒక్కరికీ అభినందిస్తూ ఎక్స్ వేదికగా పోస్ట్ చేశాడు మోహన్ బాబు. ప్రస్తుతం మోహన్ బాబు తనయుడు మంచు విష్ణుతో కన్నప్ప సినిమాలో నటిస్తున్నాడు.