by సూర్య | Sat, Feb 24, 2024, 01:53 PM

మాస్ మ‌హారాజా ర‌వితేజ, అనుప‌మ ప‌రమేశ్వ‌ర‌న్, కావ్య థాప‌ర్ జంట‌గా న‌టించిన చిత్రం ఈగ‌ల్. కార్తీక్ ఘ‌ట్ట‌మ‌నేని ఈ సినిమాకు ద‌ర్శ‌క‌త్వం వ‌హించ‌గా పీపుల్స్ మీడియా బ్యాన‌ర్‌పై టీజీ విశ్వ ప్ర‌సాద్ నిర్మించారు. ఫిబ్ర‌వ‌రి 9న ప్ర‌పంచ‌వ్యాప్తంగా విడుద‌లైన ఈ సినిమా మిశ్ర‌మ స్పంద‌న తెచ్చుకున్నా రూ.50 కోట్ల‌కు పైగానే వ‌సూళ్లు రాబ‌ట్టి మంచి హిట్‌గా నిలిచింది.అయితే ఈ సినిమా ఓటీటీ,శాటిలైట్ హ‌క్కుల గురించి ఆస‌క్తిక‌ర విష‌యాలు బ‌య‌టికి వ‌చ్చాయి. ప్ర‌ముఖ ఓటీటీ దిగ్గ‌జాలు అమెజాన్ ప్రైమ్ వీడియో, నెట్‌ఫ్లిక్స్, ఆహల‌తో పోటీ ప‌డి మరి ఈ టీవీ, ఈ టీవీ విన్  ఈగ‌ల్ చిత్ర ఓటీటీ, శాటిలైట్ రైట్స్ హ‌క్కుల‌ను ద‌క్కించుకుంది. మార్చి ఫ‌స్ట్ వీక్‌లో ఈటీవీ విన్ లో ఈగ‌ల్  సినిమా విడుద‌ల కానుండ‌గా ఉగాదికి టీవీలో ప్ర‌సారం కానున్న‌ట్లు స‌మాచారం.