by సూర్య | Wed, Dec 06, 2023, 08:48 PM

జాతీయ అవార్డు గ్రహీత రాహుల్ రవీంద్రన్ దర్శకత్వంలో కన్నడ నటి రష్మిక మందన్న తన తదుపరి ప్రాజెక్ట్ ని ప్రకటించిన సంగతి అందరికి తెలిసిందే. ఈ చిత్రానికి మూవీ మేకర్స్ 'గర్ల్‌ఫ్రెండ్' అనే టైటిల్ ని లాక్ చేసారు. తాజాగా ఇప్పుడు ఈ సినిమా రెగ్యులర్ షూట్ ఈరోజు ప్రారంభం కానుంది. రష్మికకు దర్శకుడు రాహుల్ రవీంద్రన్, నిర్మాతలు ఎస్కేఎన్, ధీరజ్ మొగిలినేని, విద్యా కొప్పినీడి నుంచి భారీ స్వాగతం లభించింది. ఈ మొదటి షెడ్యూల్ 20 రోజుల పాటు జరగనుంది, ఇందులో రష్మికతో పాటు కీలక నటీనటులు కూడా ఉంటారు.

ఈ చిత్రాన్ని అల్లు అరవింద్ సమర్పణలో మాస్ మూవీ మేకర్స్ మరియు ధీరజ్ మొగిలినేని ఎంటర్‌టైన్‌మెంట్ బ్యానర్‌లపై విద్యా కొప్పినీడి మరియు ధీరజ్ మొగిలినేని నిర్మించారు. హేషమ్ అబ్దుల్ వహాబ్ సంగీతం అందించిన ఈ చిత్రానికి భారీ అంచనాలు ఉన్నాయి. ఈ ప్రాజెక్ట్ గురించి మరిన్ని వివరాలు మూవీ మేకర్స్ త్వరలో వెల్లడి చేయనున్నారు.