by సూర్య | Wed, Dec 06, 2023, 10:46 PM
'పుష్ప' మూవీలో హీరో అల్లు అర్జున్ పక్కన సహాయ నటుడి పాత్రలో కనిపించిన నటుడు జగదీష్ (కేశవ్)ను పోలీసులు బుధవారం అరెస్టు చేశారు. ఓ జూనియర్ ఆర్టిస్ట్ మరో వ్యక్తితో ఉండగా ఫొటోలు తీసి బెదిరింపులకు పాల్పడిన అభియోగంపై అతడిని పంజాగుట్ట పోలీసులు అదుపులోకి తీసుకున్నారు. జగదీష్ వేధింపులు తాళలేక పంజాగుట్టలో నివాసముంటున్న ఓ మహిళ గత నెల 29న ఆత్మహత్య చేసుకుంది. గత నెల 27న బాధితురాలు ఓ వ్యక్తితో సన్నిహితంగా ఉన్న సమయంలో జగదీష్ ఫొటోలు తీశాడు. ఆ తర్వాత ఫొటోలను సోషల్మీడియాలో పెడతానని బెదిరించడంతో ఆవేదనకు గురైన బాధితురాలు ఆత్మహత్యకు పాల్పడింది.ఈ కేసులో పరారీలో ఉన్న జగదీష్ను పోలీసులు ఈరోజు అరెస్ట్ చేసి రిమాండ్కు తరలించారు.
Latest News