by సూర్య | Mon, Dec 04, 2023, 08:13 PM

కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి దేవర అనే టైటిల్ ని మూవీ మేకర్స్ లాక్ చేసారు. ప్రస్తుతం అందరూ ఎంతో ఆశక్తిగా ఎదురుచూస్తున్న ఈ సినిమా నిర్మాణ దశలో ఉంది. తాజా అప్‌డేట్‌ ప్రకారం, ఇంటర్వెల్‌కు ముందు మూవీ టీమ్ హై-ఆక్టేన్ ఇంటెన్స్ యాక్షన్ సీక్వెన్స్ షూటింగ్ కోసం సన్నద్ధమవుతున్నట్లు వార్తలు వినిపిస్తున్నాయి. ఈ ప్రత్యేక షూటింగ్ కోసం RFC హైదరాబాద్‌లో భారీ సెట్ ని వేసినట్లు సమాచారం.  

ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. ఈ సినిమాలో సైఫ్ అలీ ఖాన్ కీలక పాత్ర పోషిస్తున్నారు. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నట్లు సమాచారం. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.