by సూర్య | Sun, Dec 03, 2023, 02:40 PM

పాన్ ఇండియా స్టార్ హీరో ప్రభాస్ నటించిన 'సాలార్' సినిమా థియేట్రికల్ ట్రైలర్ యూట్యూబ్‌లో విడుదలైంది. యాక్షన్ డ్రామాగా తెరకెక్కుతున్న ఈ చిత్రానికి కేజీఎఫ్ ఫేమ్ ప్రశాంత్ నీల్ దర్శకత్వం వహిస్తున్నారు. ఈ చిత్రానికి సంబంధించి ఓవర్సీస్ అడ్వాన్స్ బుకింగ్‌లు చాలా కాలం క్రితమే ప్రారంభమయ్యాయి. ఎట్టకేలకు ట్రైలర్‌ రావడంతో అభిమానులు ఫిదా అయిపోయారు.

ఈ సినిమా తెలుగు ట్రైలర్ సంచలనం సృష్టిస్తోంది. ఇప్పటికే యూట్యూబ్‌లో 1 మిలియన్ లైక్‌లను దాటింది. ఇప్ప‌టి వ‌ర‌కు తెలుగు ట్రైల‌ర్ 13 మిలియ‌న్ల‌కు పైగా వ్యూస్ సాధించింది. సాలార్ తెలుగు ట్రైలర్ ఆల్ టైమ్ రికార్డ్ క్రియేట్ చేసే దిశగా దూసుకుపోతోంది.

RRR తెలుగు ట్రైలర్‌కు 1.2 మిలియన్లకు పైగా లైక్స్ రాగా, మహేష్ బాబు యొక్క సర్కారు వారి పాట మొదటి 24 గంటల్లో సుమారు 26 మిలియన్ల వ్యూస్ ని సాధించింది. హోంబలే ఫిల్మ్స్ నిర్మించిన ఈ చిత్రంలో పృథ్వీరాజ్ సుకుమారన్, శృతిహాసన్, జగపతి బాబు, శ్రీయా రెడ్డి తదితరులు కీలక పాత్రలు పోషిస్తున్నారు.