by సూర్య | Tue, Nov 28, 2023, 08:49 PM

కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ చిత్రానికి తాత్కాలికంగా తలపతి 68 అనే టైటిల్ పెట్టారు. తాజాగా ఇప్పుడు లవ్ టుడేలో తన పాత్రకు ప్రసిద్ధి చెందిన ఇవానా మరియు సెల్ఫిష్‌తో టాలీవుడ్‌లోకి అడుగుపెట్టిన ఇవానా ఈ చిత్రంలో విజయ్ సోదరి పాత్రలో నటించవచ్చని ఆన్‌లైన్‌లో వార్తలు వినిపిస్తున్నాయి. అయితే ఈ విషయం గురించి మూవీ మేకర్స్ నుండి అధికారక ప్రకటన రావలసిఉంది.

ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది.ఈ ప్రతిష్టాత్మక ప్రాజెక్ట్‌లో విజయ్ ద్విపాత్రాభినయం చేయనున్నాడు. ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు.

ఎజిఎస్ ఎంటర్‌టైన్‌మెంట్ బ్యానర్‌పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్‌కి యువన్ శంకర్ రాజా సంగీతం అందించనున్నారు.