by సూర్య | Tue, Sep 26, 2023, 07:38 PM

వంశీ దర్శకత్వంలో టాలీవుడ్ మాస్ మహారాజా రవితేజ 'టైగర్ నాగేశ్వరరావు' సినిమా ప్రకటించిన సంగతి అందరికి తెలిసిందే. ఈ సినిమాలో బాలీవుడ్ గ్లామర్ బ్యూటీ కృతి సనన్ సోదరి నుపుర్ సనాన్ అండ్ ప్రముఖ మోడల్ గాయత్రీ భరద్వాజ్ హీరోయిన్స్ గా నటించనున్నారు. ఇప్పటివరకు, మూవీ మేకర్స్ విడుదల చేసిన రెండు పాటలు మరియు టీజర్‌కు మంచి స్పందన వచ్చింది. అందరూ ఎంతో ఆసక్తిగా ఎదురుచూస్తున్న టైగర్ నాగేశ్వరరావు సినిమా యొక్క థియేట్రికల్ ట్రైలర్‌ను అతి త్వరలో విడుదల చేయడానికి మూవీ మేకర్స్ ప్లాన్ చేస్తున్నారు. ఈరోజు రాత్రి 08:01 గంటలకు ట్రైలర్‌కి సంబంధించిన ప్రకటన వెలువడనుంది.

ఈ చిత్రం అక్టోబర్ 20, 2023న గ్రాండ్ రిలీజ్‌కానుంది. అనుపమ్ ఖేర్, రేణు దేశాయ్ మరియు జిషు సేన్‌గుప్తా ఈ సినిమాలో కీలక పాత్రలు పోషిస్తున్నారు. ఈ సినిమాని అభిషేక్ అగర్వాల్ ఆర్ట్స్ బ్యానర్‌పై అభిషేక్ అగర్వాల్ నిర్మిస్తున్నారు. జివి ప్రకాష్ కుమార్ ఈ చిత్రానికి సంగీతం అందించారు.