by సూర్య | Mon, Sep 25, 2023, 05:08 PM

సెన్సషనల్ డైరెక్టర్ శంకర్ దర్శకత్వంలో మెగా పవర్ స్టార్ రామ్ చరణ్ తన 15వ సినిమా చేస్తున్న సంగతి తెలిసిందే. ఈ చిత్రానికి 'గేమ్ ఛేంజర్' అనే టైటిల్ ని మూవీ మేకర్స్ లాక్ చేసారు. ఈ సినిమా యొక్క కొత్త షెడ్యూల్ సెప్టెంబర్‌లో ప్రారంభం కావాలి కానీ చివరి నిమిషంలో అది రద్దు చేయబడింది.

లేటెస్ట్ రిపోర్ట్స్ ప్రకారం, కొంతమంది ఆర్టిస్టులు అందుబాటులో లేకపోవడంతో షూటింగ్ షెడ్యూల్ క్యాన్సిల్ అయిందని మూవీ మేకర్స్ సోషల్ మీడియా ద్వారా వెల్లడించారు. అక్టోబ‌ర్ రెండో వారంలో షూటింగ్ పున‌ర‌ర‌ర‌భించ‌నున్న‌ట్లు కూడా తెలిపారు. ప్రొడక్షన్ ఫార్మాలిటీస్ పూర్తయిన తర్వాత విడుదల తేదీని మూవీ మేకర్స్ ప్రకటించనున్నారు.

ఈ సినిమాలో బాలీవుడ్ బ్యూటీ కైరా అద్వానీ కథానాయికగా నటిస్తోంది. అరవింద్ స్వామి, ఎస్‌జే సూర్య, సురేష్ గోపి, ఈషా గుప్తా, అంజలి, శ్రీకాంత్, జయరామ్, సునీల్, హ్యారీ జోష్ మరియు నవీన్ చంద్ర ఈ సినిమాలో కీలక పాత్రలలో కనిపించనున్నారు. 2024 సమ్మర్‌లో ఈ సినిమా పెద్ద స్క్రీన్‌లపైకి వచ్చే అవకాశం ఉంది. ఈ మెగా చిత్రానికి థమన్ ఎస్ సౌండ్‌ట్రాక్స్ అందించనున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్‌పై ఈ సినిమాని నిర్మిస్తున్నారు.