వరల్డ్ టెలివిజన్ ప్రీమియర్ కి సిద్ధమైన కాంతార హిందీ వెర్షన్

కన్నడలో సెన్సేషన్ సృష్టించి, ఆపై ఇతర ప్రాంతీయ భాషల్లో విడుదలై అక్కడ కూడా ప్రభంజన విజయం సాధించిన "కాంతార" డిజిటల్ రంగంలో కూడా సూపర్ హిట్ గా నిలిచింది. కన్నడ నటుడు రిషబ్ శెట్టి డైరెక్ట్ చేసి, హీరోగా నటించిన ఈ సినిమాను ప్రముఖ కన్నడ నిర్మాణ సంస్థ హోంబలే ఫిలిమ్స్ నిర్మించగా, అజనీష్ లోక్ నాధ్ సంగీతం అందించారు. కిషోర్, అచ్యుత్ కుమార్ ముఖ్యపాత్రల్లో నటించారు.

హిందీ ప్రేక్షకులను విశేషంగా మెప్పించిన కాంతార ఇప్పుడు బాలీవుడ్ బుల్లితెరపై సందడి చెయ్యడానికి సిద్ధమయ్యింది. ఈ రోజు రాత్రి ఎనిమిదింటికి సోనీ మాక్స్ లో కాంతార హిందీ వెర్షన్ వరల్డ్ టెలివిజన్ ప్రీమియర్ కాబోతుంది.