by సూర్య | Mon, Dec 05, 2022, 10:16 AM

అడివిశేష్ హీరోగా నటించిన "హిట్ 2" రోజురోజుకూ ప్రజాదరణను పెంచుకుంటూ, బాక్సాఫీస్ వద్ద మ్యాజికల్ నంబర్స్ ను నమోదు చేస్తూ సెన్సేషన్ సృష్టిస్తున్న విషయం తెలిసిందే. ఇండియాలోనే కాక ఓవర్సీస్ లో కూడా హిట్ 2 సూపర్ హిట్ టాక్ తో రన్ అవుతుంది.

ముఖ్యంగా USA లో 300 + లొకేషన్స్ లో విడుదలైన హిట్ 2 శనివారమే బ్రేక్ ఈవెన్ టార్గెట్ ను రీచ్ అవ్వగా, మొత్తంగా నిన్నటితో 700కే + డాలర్ మార్క్ ను అందుకుంది. ఇక, రాబోయే శుక్రవారానికి హిట్ 2 USA లో వన్ మిలియన్ మార్క్ ను అందుకుంటుందనడంలో ఎలాంటి సందేహం లేదు.

శైలేష్ కొలను డైరెక్షన్లో సస్పెన్స్ యాక్షన్ థ్రిల్లర్ గా రూపొందిన ఈ సినిమాలో అడివిశేష్, మీనాక్షి చౌదరి జంటగా నటించారు. వాల్ పోస్టర్ సినిమాస్ బ్యానర్ పై నాచురల్ స్టార్ నాని, ప్రశాంతి తిపిర్నేని ఈ సినిమాను నిర్మించారు.