by సూర్య | Mon, Nov 28, 2022, 09:04 PM

మాస్ రాజా రవితేజ తన సొంత బ్యానర్ RT టీం వర్క్స్ బ్యానర్ పై నిర్మిస్తున్న ద్విభాషా చిత్రం "మట్టి కుస్తీ / గట్టి కుస్తీ". ఇందులో కోలీవుడ్ హీరో విష్ణు విశాల్, ఐశ్వర్య లక్ష్మి జంటగా నటించారు. హీరో విష్ణు విశాల్ తో కలిసి రవితేజ ఈ సినిమాను నిర్మించడం జరిగింది. చెల్లా అయ్యావు ఈ సినిమాకు దర్శకుడిగా వ్యవహరించగా, జస్టిన్ ప్రభాకరన్ సంగీతం అందించారు. డిసెంబర్ 2న ఈ సినిమా తెలుగు, తమిళ భాషలలో గ్రాండ్ రిలీజ్ కాబోతుంది.

నిన్నే హైదరాబాద్లోని JRC కన్వెన్షన్ లో మట్టి కుస్తీ గ్రాండ్ ప్రీ రిలీజ్ ఈవెంట్ జరిగింది. ఈ ఈవెంట్ లో రవితేజ మాట్లాడుతూ... మట్టి కుస్తీ డైరెక్టర్ చెల్లా అయ్యావు, మ్యూజిక్ డైరెక్టర్ జస్టిన్ ప్రభాకరన్ తో తాను వర్క్ చెయ్యాలని అనుకుంటున్నట్టు మీడియా సుముఖంగా పేర్కొన్నారు. మరి, ఈ ముగ్గురి కాంబోలో న్యూ మూవీ రాబోతుందా ..? అన్న ప్రశ్నకు సరైన సమాధానం రావాల్సి ఉంది.

ప్రస్తుతానికి రవితేజ డైరీ ఫుల్ అయిపొయింది. ప్రస్తుతం వాల్తేరు వీరయ్య (కీ రోల్), రావణాసుర, ధమాకా, టైగర్ నాగేశ్వరరావు సినిమాలలో రవితేజ హీరోగా నటిస్తున్నారు.