by సూర్య | Sat, May 21, 2022, 07:41 PM

సర్కార్ వారి పాట హిట్ నేపథ్యంలో యూట్యూబర్లతో సర్కార్ వారి పాట చిత్రం యూనిట్ మాంటామంతి కార్యక్రమం ఏర్పాటు చేసింది. ఈ హీరో మహేశ్ బాబును ఉద్దేశించి 'మై విలేజ్ షో' యూట్యూబర్ అనిల్ మాట్లాడిన మాటలు అందరిని నవ్వుల్లో ముంచెత్తాయి. 'మిమ్మల్ని సార్ సార్ అని అందరూ పిలుస్తున్నారు. నేను మాత్రం అన్న అని పిలుచుకుంటా. మేం వాట్సాప్ స్టేటస్‌లో అందరం మహేష్ అన్న పెట్టుకుంటాం. మీరు ఒక్కసారి నన్ను తమ్ముడు అని పిలవండి అన్న..' అని అనిల్ అడగ్గా.. చెప్పు తమ్ముడు ఏంటి..? అంటూ సరదాగా మాట్లాడారు. ఈ సందర్భంగా మహేష్ బాబును పొగుడుతూ.. ఓ పద్యం పాడి అందరిని ఆకట్టుకున్నాడు.

ఇదిలావుంటే సూపర్ స్టార్ మహేష్ బాబు ‘సర్కారు వారి పాట’ బాక్సాఫీసు వద్ద కాసుల వర్షం కురిపిస్తోంది. మూవీపై కొంతమంది నెగిటివ్ రూమర్స్ స్ర్పెడ్ చేసినా.. థియేటర్లలో ఆడియోన్స్ మాత్రం విజిల్స్ వేస్తున్నారు. పరశురామ్ డైరెక్షన్‌లో తెరకెక్కిన ఈ మూవీలో కీర్తి సురేష్ హీరోయిన్‌గా నటించింది. మే 12న ప్రేక్షకుల ముందుకు వచ్చిన ‘సర్కారు వారి పాట’.. మహేష్ బాబు కెరీర్‌లో మరో సూపర్ హిట్ మూవీగా నిలిచింది. తాజాగా ఈ మూవీ ప్రమోషన్స్‌లో భాగంగా చిత్ర యూనిట్ యూట్యూబర్లతో ముచ్చటించింది. ఈ సందర్భంగా మహేష్ బాబు ఆసక్తికర సమాధానాలు ఇచ్చారు. ఈ క్రమంలో సాగిన సంభాషణలో భాగంగా  కీర్తి సురేష్‌ను ఉద్దేశించి 'కీర్తి వదిన' అని అనిల్ సంబోధించగా.. వెంటనే మహేష్ బాబు కలగజేసుకుని.. 'కాదమ్మా నువ్వేంటి.. అందరిని వరుసలు కలిపేసుకుంటున్నావు.. వచ్చినప్పుడు నుంచి చూస్తున్నాను..' అంటూ కామెడీగా సెటైర్ వేశారు. వెంటనే అనిల్ మాట మారుస్తూ... 'కీర్తి అక్క' అని పిలిచాడు. మళ్లీ మహేష్ స్పందిస్తూ.. 'అక్కా ఏంటమ్మా..? కీర్తి అని పిలవమ్మా.. అక్కా ఎందుకు బాసూ..' మళ్లీ అనిల్‌కు చెప్పారు. అయినా అనిల్ వెనక్కి తగ్గకుండా.. కీర్తి అక్కా అనే సరికి.. మహేష్ బాబు చివరికి ఒకే అని చెప్పేశారు.

'కీర్తి అక్కా.. మంచి ఇలానే యాక్టింగ్ చేసి.. మంచి మంచిగా రోల్స్ చేసి.. మీ కీర్తిని, తెలుగు ప్రజల కీర్తిని ప్రపంచానికి వెదజల్లాలని కోరుకుంటున్నా అక్కా.. అంతే..' అని అనిల్ కీర్తిని ఉద్దేశించి మాట్లాడాడు. 'నువ్వు సాయంత్రం డైరెక్టర్ పరశురామ్‌ను కలవమ్మా.. ఇరగదీస్తున్నావు' అంటూ మహేష్ అభినందించారు. ఈ సంభాషణ అక్కడ ఉన్న అందరిని నవ్వించింది.