by సూర్య | Wed, Mar 24, 2021, 05:40 PM
లాక్డౌన్ సమయంలో వేలాది మంది వలస కార్మికులకు, విద్యార్థులకు, నిరుద్యోగులకు సాయం చేసి రియల్ హీరోగా మారాడు సోనూసూద్. అంతేకాదు లాక్డౌన్ అనంతరం కూడా సోనూ సహాయం చేయడం మాత్రం ఆపలేదు. సాయం కావాలంటూ ఎవరు అడిగిన లేదనకుండా సహాయం చేశాడు. తన సంపాదన కరిగిపోయినా కానీ వలస కార్మికులకు సాయాన్ని అందించాడు. దీంతో చాలా మంది సోనూసూద్ను రియల్ హీరోగా తమ ఆరాధ్య దేవుడిగా కొలిచారు. మరికొంతమంది వలస కార్మికులు తమ దుకాణాలకు ఆయన పేరు పెట్టుకొని కృతజ్ఞత చాటుకున్నారు. ఇటీవల ఖమ్మం జిల్లాకు చెందిన ఓ జంట తమ కూతురికి సోనూ సూద్ పేరు వచ్చేలా.. సోనాలి సూద్ అని పేరు పెట్టుకున్న విషయం తెలిసిందే. తాజాగా వారిని రియల్ హీరో సోనూసూద్ కలిసి తన అభిమానాన్ని చాటుకున్నాడు.
Latest News