by సూర్య | Wed, Apr 01, 2020, 10:54 AM

స్టార్ బ్యాడ్మింటన్‌ ప్లేయర్ గుత్తా జ్వాల తమిళ హీరో విష్ణు విశాల్‌తో డేటింగ్‌లో ఉన్న సంగతి తెలిసిందే. ఎన్నో సందర్భాల్లో వీరిరువురు కలిసి దిగిన ఫోటోలు సోషల్ మీడియాలో వైరల్ కూడా అయ్యాయి. తాజాగా ఇచ్చిన ఓ ఇంటర్వ్యూలో జ్వాల, విష్ణు విశాల్‌తో తన సంబంధాన్ని బయటపెట్టింది. అంతేకాదు మేమిద్దరం త్వరలోనే పెళ్లిచేసుకోబోతున్నట్టు ప్రకటించింది. మంచి సమయం చూసుకుని త్వరలోనే తమ వివాహంపై అధికారిక ప్రకటన చేస్తామని ఆమె తెలిపారు.కొన్నేళ్లు క్రితం బాడ్మింటన్ క్రీడాకారుడు చేతన్ ఆనంద్‌ను ప్రేమించి పెళ్లి చేసుకుంది జ్వాల. కాగా కొన్ని కారణాల వలన వీరిరువురూ విడిపోయారు. మరోపక్క విష్ణు విశాల్ కూడా ఇంతకుముందే పెళ్లి చేసుకొని తన భార్య నుండి విడాకులు తీసుకున్నాడు. మొత్తానికి ఇప్పటికి వీరిరువురి ప్రేమాయణాన్ని బయటపెట్టింది గుత్తా జ్వాల.