by సూర్య | Fri, Jan 10, 2020, 04:28 PM
నటుడు ఆదర్శ్ బాలకృష్ణ హ్యాపీ డే సినిమాతో టాలీవుడ్ కి పరిచయం అయ్యాడు. బిగ్ బాస్ లో పాల్గొన్న తర్వాత ఆదర్శ్ కెరీర్ ఊపందుకుంది. వరుస సినిమాల్లో నటిస్తున్నారు. త్రివిక్రమ్ దర్శకత్వంలో ఎన్ టీఆర్ నటించిన అరవింద సమేతలోనూ ఆదర్శ్ ఓ పాత్రలో నటించారు. కానీ, ఆ సీన్ ఎడిటింగ్ లోనే లేపేశారట. ఇటీవల ఓ ఇంటర్వ్యూలో పాల్గొన్న ఆదర్శ 'అరవింద సమేత' సినిమా గురించి స్పందించారు. 'త్రివిక్రమ్ గారి దర్శకత్వంలో 'అరవింద సమేత'లో నటించాను. అయితే నేను చేసిన సీన్ ను ఫైనల్ ఎడిటింగ్ లో లేపేశారు. ఎన్టీఆర్ కాంబినేషన్లో నేను చేసిన ఆ సీన్ అంటే నాకు చాలా ఇష్టం. అలాంటి సీన్ లేపేయడం నాకు చాలా బాధను కలిగించింది. త్రివిక్రమ్ గారి దగ్గర కూడా నా ఆవేదనను వ్యక్తం చేశాను. తరువాత సినిమాల్లో ఆయన నాకు మంచి పాత్రను ఇస్తారనే నమ్మకం వుంది' అన్నారు. ప్రస్తుతం ఆదర్శ్ కృష్ణవంశీ దర్శకత్వంలో తెరకెక్కుతోన్న రంగమార్తాండలో నటిస్తున్నారు.
Latest News