భద్రాచలం శ్రీ సీతారామచంద్ర స్వామి దేవస్థానం ఆధ్వర్యంలో గురువారం రామయ్యకు కన్నులపండుగగా నిత్య కళ్యాణం నిర్వహించారు. ఆలయ తలుపులు తెరిచి, స్వామి వారికి సుప్రభాతసేవ జరిపారు. అనంతరం ఆరాధన, సేవాకాలం, నివేదన, నిత్య హోమాలు, నిత్య బలిహరణం నిర్వహించారు. అలాగే రామాలయం గాలిగోపురానికి అభిముఖంగా ఉన్న ఆంజనేయ స్వామి వారికి ఉదయం పంచామృతాలతో అభిషేకం, గంధ సింధూరం, తమలపాకులతో ప్రత్యేక పూజలు జరిపారు. తదుపరి స్వామి వారి కళ్యాణమూర్తులను  మండపంలో వేంచేపు చేసి సంప్రదాయ బద్ధంగా నిత్యకల్యాణం నిర్వహించారు నిత్యకళ్యాణంలో పాల్గొన్న దాతలకు స్వామివారి ప్రసాదాలను, శేష వస్త్రాలను అందజేశారు.