by సూర్య | Wed, Mar 31, 2021, 02:10 PM

ఇండియన్ క్రికెట్ లెజెండ్ సచిన్ టెండుల్కర్ 20 ఏళ్ల క్రితం ఇదే రోజున ఓ అరుదైన రికార్డును సృష్టించాడు. అంతర్జాతీయ వన్డే క్రికెట్‌ చరిత్రలో 10 వేల పరుగులు చేసిన తొలి బ్యాట్స్‌మన్‌గా రికార్డు సృష్టించాడు. 2001 మార్చి 31న ఇండోర్‌ లోని నెహ్రూ స్టేడియంలో ఆస్ట్రేలియాతో జరిగిన మ్యాచ్‌ లో సచిన్ ఈ ఘనత సాధించాడు. ఆ మ్యాచ్‌ లో వీవీఎస్ లక్ష్మణ్‌ తో కలిసి సచిన్ 199 పరుగుల భాగస్వామ్యం నెలకొల్పాడు. ఆ మ్యాచ్ లో సచిన్ సెంచరీ చేశాడు. వన్డే‌ల్లో 10 వేల పరుగుల మైలురాయిని చేరుకున్నాడు. తన 259వ వన్డే ఇన్నింగ్స్‌లో సచిన్ ఈ ఘనతను సొంతం చేసుకున్నాడు. ఆ మ్యాచ్ లో సచిన్ 139 పరుగులతో రాణించడంతో టీమిండియా నిర్ణీత 50 ఓవర్లలో 8 వికెట్ల నష్టానికి 299 పరుగులు సాధించింది. ఆస్ట్రేలియా కేవలం 181 పరుగులకే ఆలౌట్ కావడంతో 118 పరుగుల తేడాతో భారత జట్టు ఘన విజయం సాధించింది.