by సూర్య | Wed, Mar 24, 2021, 01:01 PM

వరల్డ్ నెంబర్ వన్, సెర్బియా టెన్నిస్ స్టార్ నొవాక్ జొకోవిచ్‌ పై భారీ కుట్ర జరిగిందా? ఆయన ప్రతిష్టను దెబ్బతీసేందుకు ప్రత్యర్థులు భారీ పన్నాగమే పన్నారా? సెర్బియాకు చెందిన మోడల్‌ నటాలియా సెకిచ్‌ చేసిన ఆరోపణలు ఇప్పుడు సంచలనంగా మారాయి. జొకోను లొంగదీసుకొని, అతనితో గడిపిన దృశ్యాలను వీడియోలో బంధించి ఇస్తే.. రూ. 52 లక్షలు ఇస్తానంటూ తనకు తెలిసిన ఓ వ్యక్తి ఆఫర్‌ చేశాడని నటాలియా సెకిచ్ వెల్లడించింది.

అయితే జొకోవిచ్ ఇమేజ్ ను డ్యామేజ్ చేయడం తనకు ఇష్టం లేదని.. అందువల్ల అతని ఆఫర్ ను రిజెక్ట్ చేసినట్లు ఓ మ్యాగజైన్ కు ఇచ్చిన ఇంటర్వ్యూలో నటాలియా చెప్పింది. వరుస విజయాలతో దూసుకుపోతున్న జొకోవిచ్ ఇప్పటికే పలు అరుదైన రికార్డులను చేరుకున్న సంగతి తెలిసిందే.