by సూర్య | Fri, Jan 17, 2020, 02:27 PM

నందమూరి వారసుడు జూనియర్ ఎన్టీఆర్ పై నటుడు పోసాని కృష్ణమురళీ సంచలన వ్యాఖ్యలు చేశారు. ఇటీవలే ఓ ఇంటర్వ్యూలో జూనియర్ ఎన్టీఆర్ సీఎం కావాలంటే ఏం చేయాలో అన్న ప్రశ్నకు పోసాని తనదైన మార్కు సలహాలు ఇచ్చాడు. ప్రజల్లో నమ్మకం ఉంటే జూనియర్ తప్పకుండా ఏపీకి ముఖ్యమంత్రి అయ్యే అవకాశం ఉందని పోసాని అన్నారు. లేకపోతే చంద్రబాబులాగా మోసం చేసే తెలివితేటలైనా ఉండాలని పోసాని కృష్ణమురళీ అన్నారు. అంతేకాదు సీనియర్ ఎన్టీఆర్ తన విల్ పవర్ తో ముఖ్యమంత్రి కాగలిగారని.. అలాగే తారక్ సైతం నిబద్ధత, ప్రజల పట్ల ప్రేమ ఉంటే ఖచ్చితంగా సీఎం అయ్యే అవకాశం ఉందని పోసాని కుండబద్దలు కోట్టారు.