by సూర్య | Fri, Jan 27, 2023, 02:25 PM

బ్రహ్మంగారిమఠం మండల కార్యాలయాల సమీపంలో ఉన్న అంబేద్కర్ విగ్రహానికి గురువారం గణతంత్ర దినోత్సవ సందర్భంగా అంబేద్కర్ విగ్రహ సాధన కమిటీ ఆధ్వర్యంలో పూలమాలవేసి ఘనంగా నివాళులర్పించారు. ఈ కార్యక్రమానికి మండల మహిళా సమైక్య ఏపిఎం గొల్లపల్లె ప్రకాష్ రావు, ఉపాధ్యాయ సంఘం నాయకులు కొడవటి కంటి చంద్రశేఖర్ ముఖ్య అతిథులుగా హాజరయ్యారు. ఈ సందర్భంగా వారు మాట్లాడుతూ. భారతదేశం నేడు 74వ గణతంత్ర దినోత్సవం జరుపుకుంటుందని, ఈ గణతంత్ర దినోత్సవం సందర్భంగా స్వతంత్రం కోసం కృషి చేసిన నాయకులను ప్రతి భారతీయుడు గౌరవించడం, గుర్తుతెచ్చుకొని స్మరించడం చేయాలన్నారు ఈ సందర్భంగా డాక్టర్ బి. ఆర్ అంబేద్కర్ భారత రాజ్యాంగం ద్వారా బడుగు, బలహీన వర్గాల నిమ్న జాతి వారికి అందించిన ఫలాలను గుర్తు చేశారు. ఈ కార్యక్రమంలో అంబేద్కర్ విగ్రహ సాధన కమిటీ సభ్యులు రవిబాబు, పిటర్, ఓబులేసు, వెలుగు సిబ్బంది దానియేలు, ఓబులేసు తదితరులు పాల్గొన్నారు.