by సూర్య | Fri, Jan 27, 2023, 12:50 PM

యలమంచిలి మండలంలో రుక్మిణిపురం గ్రామానికి చెందిన వియ్యపు ఏసుబాబు(24) ప్రమాదవశాత్తు బావిలో పడి మృతి చెందారు. ఈ ఘటనపై రూరల్ ఎస్సై కె. సన్నిబాబు తెలిసిన వివరాలు ప్రకారం యలమంచిలి మండలం రుక్మిణీపురం గ్రామానికి చెందిన వియ్యపు ఏసుబాబు అదే గ్రామంలో వాలంటీర్ గా పనిచేస్తున్నారు. బుధవారం నాడు సాయంత్రం మృతుని ఇంటి సమీపంలో గల బావి వద్ద సిమెంట్ దిమ్మపై కూర్చుని సెల్ ఫోన్ చూస్తుండగా ప్రమాదవశాత్తు జారిపడి మృతి చెందినట్టు తెలియజేశారు. ఈ విషయంపై అందిన ఫిర్యాదు మేరకు ప్రకారం కేసు నమోదు చేసి దర్యాప్తు చేస్తున్నట్లు ఎస్సై తెలిపారు.