by సూర్య | Fri, Jan 27, 2023, 12:59 PM

ఆంధ్ర ఒడిశా బోర్డర్ దుర్గాపాడు గ్రామంలో రోడ్డు ప్రమాదం చోటుచేసుకుంది. గురువారం ఆటో అదుపుతప్పి బోల్తా పడింది. ఆటోలో ప్రయాణిస్తున్న ఏడుగురికి తీవ్ర గాయాలయ్యాయి. స్థానికులు క్షతగాత్రులను హుటాహుటిన కురుపాం ప్రభుత్వ ఆస్పత్రికి తరలించారు. ప్రధమ చికిత్స అందించిన వైద్యులు ఇద్దరి పరిస్థితి విషమంగా ఉండటంతో జిల్లా ఆస్పత్రికి తరలించారు. క్షతగాత్రులు గుమ్మలక్ష్మీపురం మండలం కొత్తవలస గ్రామానికి చెందినవారిగా గుర్తించారు. దుర్గాపాడులో పూజ నిమిత్తం వెళ్ళి పూజ ముగించుకొని తిరిగి వస్తుండగా ఈ ఘటన చోటుచేసుకుంది. విషయం తెలిసిన పోలీసులు కేసు నమోదు చేసి దర్యాప్తు చేస్తున్నారు.