by సూర్య | Wed, Jan 25, 2023, 02:42 PM

ప్రకాశం జిల్లా కంభం స్థానిక నాయక్ వీధిలోని ఉర్దూ పాఠశాలలో బుధవారం సెల్ఫీ విత్ స్టూడెంట్ కార్యక్రమాన్ని నిర్వహించారు. సంగ్రహణాత్మక పరీక్షలలో అత్యుత్తమ మార్కులు సాధించిన విద్యార్థులతో ఉపాధ్యాయులు స్వీయ చిత్రాలు తీసుకుని అభినందించారు. ఈ సందర్భంగా పాఠశాల ప్రధానోపాధ్యాయురాలు సాహెరా బేగం మాట్లాడుతూ.. స్నేహపూర్వక వాతావరణంలో బోధనాభ్యసన సత్ఫలితాలిస్తాయనీ, పరీక్షలలో ప్రతిభ చూపిన విద్యార్థులను ప్రశంసించడం వలన విద్యార్థులు వారి నైపణ్యాలను పెంపొందించుకుని పరీక్షలలో విజయ పరంపరను కొనసాగిస్తారని అన్నారు. ఈ కార్యక్రమంలో సిఆర్పీ మురళీమోహన్ ఉపాధ్యాయులు ఇక్బాల్ బాషా, రహమతున్నీసా, విద్యార్థులు పాల్గొన్నారు.