byసూర్య | Wed, Sep 25, 2024, 07:10 PM

ట్రైన్ ప్రయాణికులకు సౌత్ సెంట్రల్ రైల్వే అధికారులు అలర్ట్ జారీ చేశారు. వరంగల్ స్టేషన్‌లో పలు ట్రైన్లకు హాల్టింగ్ ఎత్తివేసినట్లు చెప్పారు. నిర్వహణ పనుల కారణంగా మెుత్తం 18 ట్రైన్ల స్టాపేజీని తాత్కాలికంగా తీసేసినట్లు అధికారులు స్పష్టం చేశారు. దేశవ్యాప్తంగా ఉన్న అన్ని రైల్వే జోన్ల పరిధిలోని డివిజన్లలో సిగ్నలింగ్ వ్యవస్థను ఆధునికీకరించే పనులు ప్రస్తుతం జరగుతున్నాయి.

సౌత్ సెంట్రల్ పరిధిలోని హసన్‌పర్తి - కాజీపేట, ఎఫ్ క్యాబిన్- వరంగల్ స్టేషన్ల మధ్య నాన్ ఇంటర్ లాకింగ్ పనులు కొనసాగుతున్నాయి. ఈ నేపథ్యంలో నిర్వహణ పనులకు అంతరాయం కలగకుండా 18 ట్రైన్లకు సౌత్ సెంట్రల్ రైల్వే అధికారులు వరంగల్‌లో హాల్టింగ్‌ను తొలగించారు. దానికి బదులుగా కాజీపేటలో పలు ట్రైన్లకు స్టాపేజీ ఇచ్చారు. హాల్టింగ్ తొలగించి కాజీపేటలో హాల్టింగ్ ఇచ్చిన ట్రైన్ల వివరాలు ఇలా ఉన్నాయి.

కాజీపేటలో హాల్టింగ్ ఇచ్చిన ట్రైన్లు

సెప్టెంబరు 25 -28 వరకు విశాఖపట్నం-సికింద్రాబాద్ గరీబ్ రథ్ (ట్రైన్ నెంబర్ 12739)

సెప్టెంబరు 26 - 29 వరకు సికింద్రాబాద్-విశాఖపట్నం గరీబ్ రథ్ (ట్రైన్ నెంబర్ 12740)

సెప్టెంబరు 25 - షాలిమార్-సికింద్రాబాద్ ఏసీ సూపర్ ఫాస్ట్ (12773)

సెప్టెంబరు 26న టాటా-యశ్వంత్ పూర్ (18111)

సెప్టెంబరు 27 - 29వ తేదీ వరకు విశాఖపట్నం-సికింద్రాబాద్ వందేభారత్ ట్రైన్ (20708)

సెప్టెంబరు 27 - 28 వరకు సికింద్రాబాద్-విశాఖపట్నం వందేభారత్ ట్రైన్ (20707)

సెప్టెంబరు 26 - 28వ తేదీ వరకు సికింద్రాబాద్-విశాఖపట్నం వందేభారత్ ట్రైన్ (20834)

సెప్టెంబరు 25 - 28వ తేదీ వరకు విశాఖపట్నం-హైదరాబాద్ గోదావరి ఎక్స్ ప్రెస్ ట్రైన్

సెప్టెంబరు 26 - 29వ తేదీ వరకు హైదరాబాద్-విశాఖపట్నం గోదావరి ఎక్స్ ప్రెస్ ట్రైన్

సెప్టెంబరు 25 - 28వ తేదీ వరకు విశాఖపట్నం - మహబూబ్ నగర్ ట్రైన్ (12861)

సెప్టెంబరు 25న షాలిమార్-సికింద్రాబాద్ వీక్లీ ట్రైన్ (22849)

సెప్టెంబరు 26 - 29వ తేదీ వరకు మహబూబ్ నగర్-విశాఖపట్నం ట్రైన్ (12862)

సెప్టెంబరు 25 - 27వ తేదీ వరకు షాలిమార్-హైదరాబాద్ ఈస్ట్ కోస్ట్ ట్రైన్ (18045)

సెప్టెంబరు 26 - 28వ తేదీ వరకు హైదరాబాద్-షాలిమార్ ఈస్ట్ కోస్ట్ ట్రైన్ (18046)

సెప్టెంబరు 26న విశాఖపట్నం-సాయినగర్ షిరిడీ ట్రైన్ (18503)

సెప్టెంబరు 27న సాయినగర్ షిరిడీ-విశాఖపట్నం ట్రైన్ (18504)

సెప్టెంబరు 27న సికింద్రాబాద్-షాలిమార్ వీక్లీ ట్రైన్ (22850)

ఈ ట్రైన్ల స్టాపేజీ ఎత్తివేత తాత్కాలికంగా ఉంటుందని సౌత్ సెంట్రల్ రైల్వే అధికారులు తెలిపారు. నిర్వహణ పనులు పూర్తి కాగానే.. ఎప్పటిలాగే ట్రైన్లు ఆగుతాయన్నారు. అప్పటి వరకు ప్రయాణికులు ప్రత్యమ్నాయ మార్గాలు చూసుకోవాలని చెప్పారు. ఈ మేరకు ప్రకటన విడుదల చేశారు.