byసూర్య | Sat, Dec 02, 2023, 11:19 AM

ఎల్బీనగర్ నియోజకవర్గంలో బీజేపీ, కాంగ్రెస్ పార్టీ లు ఎన్ని కుట్రలు, కుతంత్రాలు చేసినప్పటికీ బీఆర్ఎస్ పార్టీ శ్రేణులు బ్రహ్మాండమైన ప్రచారాన్ని నిర్వహించారని, ఎల్బీనగర్ నియోజకవర్గంలో బీఆర్ఎస్ ఘన విజయం సాధించి తీరుతుందని ఎల్బీనగర్ బీఆర్ఎస్ అభ్యర్థి, ఎమ్మెల్యే దేవిరెడ్డి సుధీర్ రెడ్డి అన్నారు. శుక్రవారం సుధీర్ రెడ్డి తన నివాసంలో మాట్లాడుతూ ఎన్నికల నేపథ్యంలో పార్టీ నాయకులు, కార్యకర్తలు తన విజయం కోసం ఎంతో కష్టపడ్డారని, వారం దరికీ కృతజ్ఞతలు తెలిపారు.
ఎల్బీనగర్ అసెంబ్లీ నియోజకవర్గానికి జరిగిన ఎన్నికల్లో 49. 07 శాతం ఓట్లు పోలైనట్టు రిటర్నింగ్ అధికారి ఎస్. పంకజ తెలిపారు. నియోజకవర్గంలో మొత్తం 573 పోలింగ్ బూత్లో ఎటువంటి ఇబ్బందులు లేకుండా పోలింగ్ పూర్తి చేశామన్నారు. ఎల్బీనగర్ లోని సరూర్ నగర్ ఇండోర్ స్టేడియంలో ఆదివారం జరగబోయే ఓట్ల లెక్కింపు కోసం ఏర్పాట్లు చేస్తున్నామన్నారు.