byసూర్య | Thu, Jul 07, 2022, 02:20 PM

వ్యక్తి పై గొడ్డలితో దాడి చేసిన ఘటన సూర్యాపేట మండల పరిధిలోని కాసరబాద్‌ గ్రామంలో  చోటుచేసుకుంది. బాధితులు తెలిపిన వివరాలు ప్రకారం.. కాసరబాద్ గ్రామానికి చెందిన కొమర శెట్టి శ్రవణ్ అదే గ్రామానికి చెందిన బంటు శ్రీనుకు గతంలో డైరీ ఫామ్ నిర్వహిస్తుడగా కొంత డబ్బును అప్పుగా ఇచ్చాడు. ఈ లావాదేవీల  పలుమార్లు పంచాయతీలు కూడా జరిగాయి. ఈ క్రమంలో బంటు శ్రీను  సోషల్ మీడియాలో గతంలో మాట్లాడిన ఆడియో పోస్ట్ చేశాడు. దీంతో కొమిరిశెట్టి శ్రవణ్ అతని దగ్గరకు వెళ్లి నాకు డబ్బులు ఇవ్వకపోగా సోషల్ మీడియాలో పోస్టులు ఎందుకు పెడుతున్నవ‌ని అడిగాడు. దీంతో ఇరువురి మధ్య ఘర్షణ జరిగింది. దీంతో పదిమందిలో డబ్బులు అడుగుతావా అని కోపం పెంచుకున్న శ్రీను అతని ఇంట్లో ఉన్న గొడ్డలి తీసుకొని అతనిపై దాడి చేయగా తలకు రెండుచోట్ల గాయాలయ్యాయి. వెంటనే స్థానికులు ఆసుపత్రికి తరలించారు. ప్రస్తుతం ఏరియా ఆసుపత్రిలో చికిత్స పొందుతున్నాడు. భార్య రేణుక ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.