by సూర్య | Tue, Jun 25, 2024, 03:55 PM

కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. ఈ చిత్రం సెప్టెంబర్ 27న విడుదల కానుంది. ఈ సినిమా గ్లింప్స్ మరియు ఫస్ట్ సింగిల్‌కి ప్రేక్షకుల నుండి అద్భుతమైన స్పందన వచ్చింది. తాజా సమాచారం ప్రకారం, ఈ చిత్రంలో రెండు భారీ సాంగ్స్ ఉంటాయి అని టాక్. రాక్ స్టార్ అనిరుధ్ ఇప్పటికే ఈ రెండు పాటలను రికార్డ్ చేయగా, ఈ డ్యాన్స్ నంబర్ల చిత్రీకరణ జూలైలో జరగనుంది. ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ సినిమాలో సైఫ్ అలీ ఖాన్, శృతిమరాఠే, తారక్ పొన్నప కీలక పాత్ర పోషిస్తున్నారు. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నారు. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.