by సూర్య | Tue, Apr 16, 2024, 07:12 PM

ఉలగనాయగన్ కమల్ హాసన్ మరియు స్టార్ దర్శకుడు మణిరత్నం దాదాపు 17 సంవత్సరాల తర్వాత కలిసి ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ సినిమాకి 'థగ్ లైఫ్' అనే టైటిల్ ని మూవీ మేకర్స్ లాక్ చేసారు. ఈ సినిమా ప్రస్తుతం ప్రీ-ప్రొడక్షన్ దశల్లో ఉంది.

కొన్ని రోజుల క్రితం, డేట్స్ సమస్య కారణంగా దుల్కర్ సల్మాన్ ఈ ప్రాజెక్ట్ నుండి తప్పుకున్నట్లు వార్తలు వచ్చాయి. ఇది అధికారికంగా ధృవీకరించబడనప్పటికీ ఈ న్యూస్ వైరల్ అయింది. దుల్కర్ సల్మాన్ ఈ ప్రాజెక్ట్‌కి తిరిగి వచ్చారని మరియు జయం రవి కూడా సినిమాలో భాగమని సమాచారం.

ఈ సినిమాలో త్రిష కృష్ణన్, దుల్కర్ సల్మాన్, గౌతమ్ కార్తీక్ మరియు జయం రవి కీలక పాత్రలో నటిస్తున్నారు. రాజ్ కమల్ ఇంటర్నేషనల్ ఫిల్మ్స్ మరియు మద్రాస్ టాకీస్ బ్యానర్లపై కమల్ హాసన్, మణిరత్నం, ఆర్. మహేంద్రన్, మరియు శివ అనంతి సంయుక్తంగా ఈ చిత్రాన్ని నిర్మిస్తున్నారు. ఈ చిత్రానికి ప్రతిభావంతులైన ఏఆర్ రెహమాన్ సంగీతం అందించనున్నారు.