వరల్డ్ టెలివిజన్ ప్రీమియర్ తేదీని లాక్ చేసిన 'విరూపాక్ష'

కార్తీక్ దండు దర్శకత్వంలో సుప్రీమ్ హీరో సాయిధరమ్ తేజ్ నటించిన 'విరూపాక్ష' సినిమా తెలుగు, తమిళం, మలయాళం, కన్నడ మరియు హిందీ భాషల్లో ఏప్రిల్ 21, 2023న గ్రాండ్ గా విడుదల అయ్యింది. ఈ మిస్టరీ థ్రిల్లర్ సాయి ధరమ్ తేజ్ కెరీర్‌లో అత్యధిక వసూళ్లు సాధించిన చిత్రంగా నిలిచింది.

ఈ బ్లాక్ బస్టర్ చిత్రం ఏప్రిల్ 13న సాయంత్రం 6 గంటలకు స్టార్ మా ఛానెల్‌లో ప్రపంచ టెలివిజన్ ప్రీమియర్ గా ప్రదర్శించబడుతుంది. ఈ సినిమాలో సాయి ధరమ్ తేజ్ సరసన జోడిగా సంయుక్త మీనన్ నటించింది. ఈ చిత్రంలో బ్రహ్మాజీ, అజయ్, సునీల్ తదితరులు ముఖ్య పాత్రలు పోషిస్తున్నారు. శ్రీ వెంకటేశ్వర సినీ చిత్ర, సుకుమార్ రైటింగ్స్ సంయుక్తంగా ఈ సినిమాని నిర్మిస్తున్నాయి.