by సూర్య | Sat, Dec 09, 2023, 09:06 PM

శ్రీరామ్ రాఘవన్ దర్శకత్వంలో తమిళ స్టార్ హీరో విజయ్ సేతుపతి ఒక హిందీ సినిమా చేస్తున్న సంగతి అందరికి తెలిసందే. ఈ సినిమాకి 'మెర్రీ క్రిస్మస్' అనే టైటిల్ ని మూవీ మేకర్స్ లాక్ చేసారు. లేటెస్ట్ రిపోర్ట్స్ ప్రకారం, ఈ సినిమా థియేట్రికల్ ట్రైలర్‌ను డిసెంబర్ 3వ వారంలో విడుదల చేసేందుకు మూవీ మేకర్స్ ప్లాన్ చేస్తున్నారు. అయితే దీనికి సంబంధించి అధికారిక ధృవీకరణ రావాల్సి ఉంది.

ఈ సినిమాలో బాలీవుడ్ స్టార్ హీరోయిన్ కత్రినా కైఫ్ కథానాయికగా నటిస్తుంది. ఈ మూవీ జనవరి 12, 2024న విడుదల కానుంది. ఈ హిందీ వెర్షన్‌లో సంజయ్ కపూర్, వినయ్ పాఠక్, ప్రతిమ కన్నన్ మరియు తిను ఆనంద్ నటించగా, తమిళ వెర్షన్‌లో రాధికా శరత్‌కుమార్, షణ్ముగరాజా, కెవిన్ జై బాబు మరియు రాజేష్ విలియమ్స్ అదే పాత్రల్లో నటించారు. మెర్రీ క్రిస్మస్ సినిమాకి ప్రీతమ్ సంగీతం అందించారు. మ్యాచ్‌బాక్స్ పిక్చర్స్ ప్రైవేట్ లిమిటెడ్‌తో కలిసి రమేష్ తౌరానీ టిప్స్ ఇండస్ట్రీస్ ఈ సినిమాని నిర్మించారు.