by సూర్య | Mon, Sep 25, 2023, 04:37 PM

మంచు విష్ణు 'కన్నప్ప' అనే ఒక భక్తిరస సినిమాని చేస్తున్న సంగతి తెలిసిందే. కొన్ని రోజుల క్రితం ఈ సినిమా శ్రీకాళహస్తిలో అధికారికంగా లాంచ్ చేశారు. ఇప్పుడు మంచు విష్ణు తన సాంఘీక మాధ్యమం అయిన ట్విట్టర్ లో ఈ సినిమా గురించి ఒక సుదీర్ఘ లేఖను పోస్ట్ చేశారు. ఇది ఒక డ్రీమ్ ప్రాజెక్ట్ అని, దీనికి గత కొన్ని సంవత్సరాలుగా కష్టపడుతూ వస్తున్నాం అని, ఇప్పుడు ఈ సినిమా షూటింగ్ న్యూజిలాండ్ లో మొదలయిందని రాసారు. ఏడేళ్లుగా ఈ ప్రాజెక్ట్ మీద ఉన్నామని, ఎందరినో సంప్రదించామన్నారు, ఇప్పటికి తన కల నెరవేరి షూటింగ్ మొదలెడుతున్నామని అంతా ఆ ఈశ్వరుడు, పార్వతి దేవి కృప అని చెప్పాడు. ఈ సందర్భంగా విష్ణు ఈ ప్రాజెక్ట్ లో తనకి సహాయ సహకారాలు అందించిన వారందరికీ కృతజ్ఞతలు తెలియచేసాడు.