by సూర్య | Sun, Mar 19, 2023, 11:09 AM

యంగ్ అండ్ డైనమిక్ హీరో విశ్వక్ సేన్ ఇప్పటివరకు హీరోగా వెళ్ళిపోమాకే, ఈ నగరానికి ఏమైంది, ఫలక్ నుమా దాస్, హిట్, పాగల్, అశోకవనంలో అర్జున కళ్యాణం, ఓరి దేవుడా చిత్రాలతో ప్రేక్షకులను అలరించారు. ఆయన నటించిన కొత్త చిత్రం "దాస్ కా ధమ్కీ" ఈ నెల 22న విడుదల కాబోతుంది. అలానే మరొక చిత్రం గామి సెట్స్ పై ఉంది.

తాజాగా ఈ రోజు విశ్వక్ సేన్ 10వ చిత్రం యొక్క అధికారిక ప్రకటన జరిగింది. రవితేజ ముళ్ళపూడి దర్శకత్వంలో తెరకెక్కబోతున్న ఒక సినిమాలో విశ్వక్ హీరోగా నటించబోతున్నారు. SRT మూవీస్ బ్యానర్ లో ప్రొడక్షన్ నెం. 7 గా తెరకెక్కబోతున్న ఈ సినిమాను రామ్ తాళ్లూరి నిర్మిస్తున్నారు. జెక్స్ బిజోయ్ సంగీతం అందిస్తున్నారు. ఈ మూవీ యొక్క షూటింగ్ అతి త్వరలోనే ప్రారంభం కాబోతుంది.