రేపు థియేటర్స్ లో విడుదల కానున్న కొత్త టైటిల్స్

హిట్2 :
'హిట్' మూవీతో ఘనవిజయం సాధించిన యువ దర్శకుడు శైలేష్ కోనేరు, 2021లో దాని సీక్వెల్‌ను ప్రకటించిన సంగతి అందరికి తెలిసిందే. టాలీవుడ్ నేచురల్ స్టార్ నాని సమర్పిస్తున్న 'హిట్2' లో అడివి శేష్ కథానాయకుడిగా నటిస్తున్నారు. ఈ సినిమాలో అడివి శేష్ సరసన మీనాక్షి చౌదరి జంటగా నటిస్తుంది.

క్రైమ్ ఇన్వెస్టిగేషన్ థ్రిల్లర్ ట్రాక్ లో రానున్న ఈ సినిమా డిసెంబర్ 2, 2022న విడుదల కానుంది. రావు రమేష్, భాను చందర్, పోసాని కృష్ణ మురళి, తనికెళ్ల భరణి శ్రీనాథ్ మాగంటి, కోమలి ప్రసాద్ తదితరులు ఈ సినిమాలో కీలక పాత్రలో కనిపించనున్నారు. ఈ చిత్రాన్ని ప్రశాంతి తిపిర్నేని నిర్మించారు. జాన్ స్టీవర్ట్ ఎడూరి 'హిట్ : ది సెకండ్ కేసు' కి సంగీతం అందించారు.

మట్టి కుస్తి :
చెల్లా అయ్యావు దర్శకత్వంలో తమిళ స్టార్ హీరో విష్ణు విశాల్ 'మట్టి కుస్తి' సినిమా చేస్తున్న సంగతి అందరికి తెలిసిందే. ఈ స్పోర్ట్స్ ఫ్యామిలీ డ్రామాలో విష్ణు విశాల్ కి లేడీ లవ్ గా ఐశ్వర్య లక్ష్మి నటిస్తోంది. ఈ చిత్రం డిసెంబర్ 2, 2022న గ్రాండ్ విడుదలకి సిద్ధంగా ఉంది. ఈ సినిమాకి జస్టిన్ ప్రభాకరన్ సంగీతం అందిస్తున్నారు. మాస్ మహారాజా రవితేజ తన హోమ్ బ్యానర్ అయిన ఆర్‌టి టీమ్‌వర్క్స్‌పై ఈ చిత్రాన్ని నిర్మిస్తున్నారు.

డీఎస్పీ :
పొన్‌రామ్ దర్శకత్వంలో మక్కల్ సెల్వన్ విజయ్ సేతుపతి 'డీఎస్పీ' సినిమా చేస్తున్న సంగతి అందరికి తెలిసిందే. డిసెంబర్ 2న డీఎస్పీ సినిమా థియేటర్లలో గ్రాండ్ రిలీజ్ కానుంది. ఈ సినిమాలో విజయ్ సేతుపతి సరసన అనుకీర్తి వాస్ జోడిగా నటిస్తుంది. సన్ పిక్చర్స్ ఈ సినిమాని నిర్మిస్తుంది. ఈ చిత్రానికి డి ఇమ్మాన్ సంగీతం అందిస్తున్నారు.