రాంచరణ్‌ కెరీర్‌లో వచ్చిన డిఫరెంట్ లవ్‌ ట్రాక్‌ ఆరెంజ్. అంజనా ప్రొడక్షన్స్ బ్యానర్‌పై మెగా బ్రదర్ నాగబాబు తెరకెక్కించిన ఈ సినిమా మ్యూజికల్‌గా హిట్‌ అయినా.. బాక్సాఫీస్‌ వద్ద మాత్రం ఊహించని స్థాయిలో నష్టాలను తెచ్చిపెట్టింది. ఈ మూవీ శనివారంతో పన్నెండేళ్లు పూర్తి చేసుకుంది. రీ రిలీజ్ చేయాలంటూ నెట్టింట వరుస పోస్టులు పెడుతున్న తరుణంలో నిర్మాత నాగబాబు స్పందించారు. రీ రిలీజ్‌పై క్లారిటీ ఇస్తూ.. ఓ వీడియో విడుదల చేశారు. అభిమానుల డిమాండ్ మేరకు సరైన సమయంలో రీ రిలీజ్ చేస్తామని ట్వీట్ చేశారు. సోషల్ మీడియాలోమీమ్స్‌ తో డిజైన్‌ చేసిన వీడియోను నాగబాబు ట్విటర్ లో షేర్ చేయగా.. నెట్టింట్లో వైరల్ అవుతోంది.