by సూర్య | Fri, Sep 23, 2022, 04:06 PM

యాక్సిడెంట్ తదుపరి ఈ మధ్యనే సినిమాల్లోకి రీ ఎంట్రీ ఇచ్చిన మెగా యంగ్ హీరో సాయి ధరమ్ తేజ్ ఒకేసారి రెండు మూడు ప్రాజెక్టులను ప్రకటించి, వాటి షూటింగులతో బిజీగా ఉన్నారు.
ఆయన హీరోగా నటిస్తున్న ఒక మూవీ షూటింగ్ ఈ మధ్యే హైదరాబాద్ లోని HMT అర్బన్ ఫారెస్ట్రీ లో జరిగింది. షూటింగ్ జరుగుతున్న క్రమంలో చిత్రబృందం అడవిలో చాలా చెత్తను డంప్ చేసింది. ఈ విషయాన్ని ఒక నెటిజన్ సాయిధరమ్ దృష్టికి తీసుకొచ్చారు. అడవిలో ఉండే వివిధ రకాల జంతువులకు ఆ చెత్త హానికరం... దయచేసి ఆ చెత్తను క్లీన్ చేయించండి... అంటూ చిత్రబృందం వేసిన చెత్త ఫోటోలను సాయిధరమ్ కు ఒక నెటిజన్ పంపించాడు.
నెటిజన్ ట్వీట్ కు మెగా మేనల్లుడు వెంటనే స్పందించి, ఈ విషయాన్ని తన దృష్టికి తీసుకొచ్చినందుకు కృతజ్ఞతలు తెలుపుతూ, అక్కడి చెత్తను తక్షణమే క్లీన్ చేయిస్తానని మాట ఇస్తూ రీ ట్వీట్ చేసారు. చెప్పినట్టే చేసారు కూడా. ఆ ఫోటోలు కూడా సోషల్ మీడియాలో హల్చల్ చేస్తున్నాయి.