by సూర్య | Wed, Jul 06, 2022, 03:50 PM

MS రాజశేఖర్ రెడ్డి దర్శకత్వంలో యంగ్ హీరో నితిన్, 'ఉప్పెన' ఫేమ్ కృతిశెట్టి జంటగా నటిస్తున్న చిత్రం "మాచర్ల నియోజకవర్గం". శ్రేష్ట్ మూవీస్ పతాకంపై సుధాకర్ రెడ్డి, నిఖితా రెడ్డి నిర్మిస్తున్న ఈ చిత్రంలో కేథరిన్ థెరిస్సా మరో హీరోయిన్ గా నటిస్తున్నారు. మహతీ స్వరసాగర్ ఈ సినిమాకు సంగీతం అందిస్తున్నారు.
ప్రపంచవ్యాప్తంగా ఆగస్టు 12న విడుదలవడానికి సిద్ధమవుతున్న ఈ సినిమాలోని "రా రా రెడ్డి ...ఐయామ్ రెడీ " అనే మాస్ మసాలా పాటను జూలై 9వ తేదీన శ్రీకాకుళంలో విడుదల చెయ్యబోతున్నట్టు మేకర్స్ అధికారిక ప్రకటన చేసారు. ఆరోజు సాయంత్రం ఐదు గంటల నుండి ఎన్టీఆర్ మునిసిపల్ స్కూల్ గ్రౌండ్ లో ఈ సాంగ్ లాంచ్ ఈవెంట్ జరగబోతుంది. ఈ పాటలో నితిన్ తో పాటు హీరోయిన్ అంజలి స్టెప్పులేయబోతుంది.