by సూర్య | Fri, Oct 22, 2021, 12:09 PM

'ఎఫ్‌2' తర్వాత అదే బృందం కలిసి చేస్తున్న చిత్రం 'ఎఫ్‌3'. తమన్నా, మెహరీన్‌ కథానాయికలుగా నటిస్తుండగా, సునీల్‌ ఓ కీలక పాత్ర పోషిస్తున్నారు. అనిల్‌ రావిపూడి దర్శకత్వం వహిస్తున్నారు. శ్రీ వెంకటేశ్వర క్రియేషన్స్‌ పతాకంపై శిరీష్‌ నిర్మిస్తున్నారు. దిల్‌ రాజు సమర్పకులు.ఈ సినిమాలో వినోదాన్నే కాదు అందం మోతాదుని మరింత పెంచేందుకు కథానాయిక సోనాల్‌ చౌహాన్‌ రంగంలోకి దిగింది. ఈ సందర్భంగా చిత్రబృందం సోనాల్‌ పాత్రకి సంబంధించిన లుక్‌ని గురువారం విడుదల చేసింది. ప్రస్తుతం హైదరాబాద్‌లో సాగుతున్న సుదీర్ఘమైన షెడ్యూల్‌లో ప్రధాన తారాగణంపై కీలక సన్నివేశాల్ని తెరకెక్కిస్తున్నారు. సంగీతం: దేవిశ్రీప్రసాద్‌, ఛాయాగ్రహనం: సాయిశ్రీరామ్‌, కూర్పు: తమ్మిరాజు, సహ నిర్మాత: హర్షిత్‌ రెడ్డి.