by సూర్య | Wed, Apr 07, 2021, 03:19 PM

మాటల మాంత్రికుడు త్రివిక్ర‌మ్ యంగ్ టైగర్ ఎన్టీఆర్, సూపర్ స్టార్ మ‌హేశ్ బాబుతో సినిమాలు చేయబోతున్నట్లు కొన్ని రోజులుగా వార్త‌లు వ‌స్తున్నాయి. అయితే త్రివిక్ర‌మ్ ఆర్ఆర్ఆర్ షూటింగ్ పూర్తయిన వెంటనే ఎన్టీఆర్ తో సినిమాను చేయబోతున్నట్లు వార్తలు వచ్చాయి. అయితే ప్రస్తుతం ఈ సినిమాకు బ్రేక్ పడిందని, త్రివిక్రమ్ ఎన్టీఆర్ కంటే ముందు మ‌హేశ్‌బాబుతో సినిమా చేస్తాడ‌ని వార్తలు వ‌స్తున్నాయి. ఓ వైపు ఆర్ఆర్ఆర్ సినిమాతో ఎన్టీఆర్ బిజీగా ఉండ‌గా..స‌ర్కారు వారి పాట సినిమాతో మ‌హేశ్‌బాబు బిజీగా ఉన్నాడు. ఈ నేపథ్యంలో త్రివిక్ర‌మ్ తన తర్వాత ప్రాజెక్టు ఎవ‌రితో చేస్తాడనే దానిపై స‌స్పెన్స్ కొన‌సాగుతుంది.