by సూర్య | Fri, Jan 17, 2020, 12:45 PM

 కొరటాల శివ దర్శకత్వంలో మెగాస్టార్ చిరంజీవి చిత్రం త్వరలో సెట్స్ మీదికి వెళ్లనున్న సంగతి తెలిసిందే. ఈ ప్రాజెక్ట్ మీద అంచనాలు భారీగా ఉన్నాయి. అందుకే సినిమాను అన్ని విధాలా గొప్పగా ఉండేలా చూస్తున్నారు కొరటాల. ముందుగా ఈ సినిమాకు ‘గోవింద ఆచార్య’ అనే టైటిల్ పరిగణనలో ఉన్నట్టు వార్తలొచ్చాయి. అయితే వాటిలో నిజమెంత ఉందో అనే అనుమానం మొదలైంది అభిమానుల్లో. కానీ సన్నిహిత వర్గాల సమాచారం మేరకు నిజంగానే ఆ టైటిల్ కొరటాల, చిరుల పరిశీలనలో ఉన్నట్టు తెలుస్తోంది. టైటిల్ బట్టి చూస్తే సినిమాలో కొరటాల ఏదో బలమైన సామాజిక సందేశం ఇవ్వనున్నట్టు స్పష్టంగా అర్థమవుతోంది. కొణిదెల ప్రొడక్షన్స్, మ్యాటనీ ఎంటర్టెయిన్మెంట్ సంయుక్తంగా నిర్మిస్తున్న ఈ సినిమాను ఈ యేడాది ఆగష్టు 14న విడుదల చేయనున్నారు.