by సూర్య | Wed, Jun 22, 2022, 08:08 PM

కావలసిన పదార్ధాలు: వాము - 1 స్పూన్, అన్నం - రెండు కప్పులు, జీలకర్ర - అరస్పూన్, ఆవాలు - అరస్పూన్, పచ్చి శనగపప్పు - 1 స్పూన్, సాయి పెసరపప్పు - అరస్పూన్, ఎండు మిర్చి - 3, చిన్నుల్లి - 2, కరివేపాకు - కొద్దిగా, కొత్తిమీర - కొద్దిగా, పసుపు - చిటికెడు, ఉప్పు - రుచికి సరిపడా, నూనె - తగినంత.
తయారీవిధానం:
-- ముందుగా అన్నం వండుకుని రెడీగా పెట్టుకోవాలి. అన్నం పొడిపొడిలాడుతూ ఉంటే ఈ రెసిపీకి మరింత రుచి వస్తుంది.
-- తర్వాత స్టవ్ వెలిగించి కళాయి పెట్టి తాలింపు కు సరిపడా నూనె వెయ్యండి.
-- నూనె బాగా కాగాక జీలకర్ర, ఆవాలు వేసి దోరగా వేపుకోండి.
-- ఆపై వాము, పచ్చి శనగపప్పు, సాయి పెసరపప్పు, తుంపిన ఎండు మిర్చి, చితక్కొట్టిన చిన్నుల్లి వేసి వేయించుకోవాలి.
-- వెంటనే అందులో కరివేపాకు, కొత్తిమీర, పసుపు వేసి కాస్త వేగాక చల్లారబెట్టుకున్న అన్నాన్ని వేసుకోండి.
-- ఉప్పు కూడా వేసి అన్నానికి ఆ తాలింపంతా పట్టేలా బాగా కలపాలి. ఇలా మూడు నిమిషాల పాటు ఉంచి స్ట‌వ్ ఆఫ్ చేసుకోవాలి. ఇలా చేయ‌డం వ‌ల్ల ఎంతో రుచిగా ఉండే వాము అన్నం త‌యార‌వుతుంది.
-- అజీర్తి, పొట్ట‌లో గ్యాస్ వంటి వాటితో బాధ‌ప‌డుతున్న‌ప్పుడు ఇలా వాము అన్నాన్ని త‌యారు చేసుకుని తిన‌డం వ‌ల్ల వాటినుండి ఉప‌శ‌మ‌నం ల‌భిస్తుంది.