by సూర్య | Mon, May 31, 2021, 12:14 PM

ఆనందయ్య మందుపై ఆయూష్ కమిషనర్ వి. రాములు సంచలన నిజాలు తెలియచేసారు. ఆనందయ్య తయారు చేసే మందు కోవిడ్ కోసం ఉపయోగిస్తానన్న దరఖాస్తు ఎక్కడా లేదని, సుమోటుగా ఈ మందు కోవిడ్‌కు పనికొస్తుందా? లేదా? అన్నది పరిశోధన చేసే అవకాశం ఇప్పట్లో లేదని ఆయూష్ కమిషనర్ వి. రాములు స్పష్టం చేశారు. ఈ సందర్భంగా ఆయన మాట్లాడుతూ ఆనందయ్య కూడా ఈ మందు కోవిడ్ కోసం కనిపెట్టానని ఎక్కడ చెప్పలేదన్నారు. ఆయన ఈ మందును వివిధ సమస్యల కోసం గత 30 ఏళ్లుగా ఉపయోగిస్తున్నారన్నారు. ఆ అనుభవాన్ని ఉపయోగించి ఇదే మందు కోవిడ్ పేషెంట్లకు కూడా ఇస్తున్నారన్నారు. ఇది కోవిడ్ మందుగా గుర్తించమని ఆనందయ్య దరఖాస్తు పెట్టుకుంటే అప్పుడు విచారించి నిర్ణయం తీసుకోవడం జరుగుతుందని ఆయూష్ కమిషనర్ రాములు అన్నారు.