" పీఎం ఈ-విద్య " ద్వారా అన్ని తరగతులకు ఉచితంగా ఆన్లైన్ ఎడ్యుకేషన్.!

కరోనా వైరస్ ప్రభావం వల్ల లాక్డౌన్ కొనసాగుతుండడంతో పాఠశాలలు, కళాశాలలు మూతపడ్డాయి. విద్యార్థులకు ఆఫ్లైన్ క్లాసులు జరగడం లేదు. దీంతో ప్రస్తుతం అంతా డిజిటల్ ఎడ్యుకేషన్ నడుస్తోంది. స్కూళ్లు, కాలేజీలు ఆన్లైన్ ద్వారానే పాఠాలు బోధిస్తున్నాయి. కాగా ఆన్లైన్ లెర్నింగ్ను ప్రోత్సహించేందుకు కేంద్ర ప్రభుత్వం గతేడాదే పీఎం ఈ-విద్య " PM e-Vidya "ను ప్రారంభించింది. దీనిలో నాలుగు విభాగాలు ఉంటాయి. స్కూల్ ఎడ్యుకేషన్ కోసం నాలుగు, ఉన్నత విద్య కోసం రెండు విభాగాలు ఉన్నాయి. స్వయంప్రభ " Swayam Prabha " అధికారిక వెబ్సైట్లో ఈ ప్రోగ్రామ్స్ అందుబాటులో ఉంటాయి. కంటిచూపు లేని వారి కోసం కూడా కేంద్ర ప్రభుత్వం... ప్రత్యేక రేడియో పోడ్కాస్ట్ ద్వారా పీఎం ఈ-విద్యను నడిపిస్తోంది. అలాగే ఇంటర్నెంట్ సౌకర్యం లేని వారి కోసం టీవీ చానెల్ ద్వారా విద్యను అందిస్తోంది. పీఎం ఈ-విద్య పరిధిలోనే దీక్ష " DIKSHA ", నిష్ట " NISHTHA " అనే రెండు పోర్టల్స్ కూడా ఉన్నాయి.

దీక్ష "DIKSHA) " అంటే

దీక్ష ద్వారా ఎన్సీఆర్టీ, ఎన్ఐఓఎస్, సీబీఎస్ఈ పుస్తకాలతో పాటు వాటికి సంబంధించిన టాపిక్స్ను ఆన్లైన్ క్లాసెస్ ద్వారా ఈ విభాగంలో బోధిస్తారు. యాప్లోని క్యూఆర్ కోడ్ను స్కాన్ చేసి విద్యార్థులు పోర్టల్లోని 2,685 కోర్సులను వినియోగించుకోవచ్చు. దీక్ష ప్రోగ్రాంలో ఇప్పటికే 8.46 మంది విద్యార్థులు ఎన్‌రోల్ అయి ఉన్నారు. ఈ దీక్ష పోర్టల్లో మొత్తం 2,775 కోట్ల లెర్నింగ్ నిమిషాలు ఉన్నాయి.

నిష్ట " NISHTHA " అంటే

ది నేషనల్ ఇనిషియేటివ్ ఫర్ స్కూల్ హెడ్స్ అండ్ టీచర్స్ హోలిస్టిక్ అడ్వాన్స్మెంట్ " NISHTHA " ప్రోగ్రాం ద్వారా ప్రభుత్వం టీచర్లకు ట్రైనింగ్ ఇస్తోంది. ఎలిమెంటరీ స్థాయిలో టీచింగ్ను మెరుగుపరిచేందుకు ప్రభుత్వం దీన్ని అందుబాటులోకి తెచ్చింది. 11 బాషల్లో ఇది అందుబాటులో ఉంది.

మెంటల్ కౌన్సిలింగ్ ప్రోగ్రామ్ లాక్ డౌన్ లాంటి క్లిష్టసమయాల్లో విద్యార్థులు, ఉపాధ్యాయులు మానసికంగా దృఢంగా ఉండేందుకు మనోదర్పన్ " Manodarpan " అనే పోర్టల్ను కూడా పీఎం ఈ-విద్య కింద ప్రభుత్వం నిర్వహిస్తోంది. మానసికంగా ఏదైనా సమస్య అనిపిస్తే కౌన్సింలింగ్, గైడెన్స్ ఈ పోర్టల్ ద్వారా పొందవచ్చు. దీనిలో 308 లైవ్ సెషన్లు ఉంటాయి. అలాగే టీచర్ల కోసం ప్రత్యేకం మరో 45 లైన్ సెషన్లు ఉన్నాయి. విద్య సంబంధిత వీడియోలను ప్రసారం చేసేందుకు పీఎం ఈ-విద్య.. టాటా స్కై, ఎయిర్టెల్ లాంటి ప్రైవేటు డీటీహెచ్ ఆపరేటర్లతోనూ చేతులు కలిపింది. అలాగే ఈ-పాఠశాల పోర్టల్లో 200 కొత్త టెక్ట్స్ బుక్లను యాడ్ చేసింది. సీఐఈటీ, ఎన్సీఈఆర్టీ డెవలప్చేసిన ఈ విద్య పోర్టల్/యాప్ టీచర్లు, విద్యార్థులు, ఎడ్యుకేటర్స్, తల్లిదండ్రులకు అన్ని రకాల టెక్ట్స్బుక్స్ను అందుబాటులోకి తెచ్చింది.