by సూర్య | Wed, Mar 24, 2021, 02:22 PM

దేశంలో గత కొన్ని రోజులుగా కరోనా మహమ్మారి విజృంభిస్తోంది. కరోనా కేసులు పెరుగుతుండటంతో ఇప్పటికే పలు రాష్ట్రాల్లో ఆంక్షలు విధించారు. కొన్ని చోట్ల లాక్ డౌన్, మరికొన్ని ప్రాంతాల్లో నైట్ కర్ఫ్యూ కొనసాగుతోంది. ప్రజలు భౌతిక దూరం పాటించాలని, కరోనా వ్యాప్తిని అరికట్టడానికి సహకరించాలని ప్రభుత్వం విజ్ఞప్తి చేస్తోంది. ఈ నేపథ్యంలో దేశంలో అతిపెద్ద పండుగల్లో ఒకటైన హోలీ.. ఈ నెల 29వ తేదీన రాబోతోంది. ఈ పండుగ వేడుకలపై కరోనా ప్రభావం ఉండే అవకాశం ఉంది. ఇప్పటికే ఢిల్లీలో హోలీ వేడుకలను నిషేధించారు. నవరాత్రి వేడుకలపై ఆంక్షలు విధించారు. మహారాష్ట్రతో పాటుగా ఢిల్లీలో కేసులు పెరుగుతున్న నేపథ్యంలో ఢిల్లీ ప్రభుత్వం ఈ నిర్ణయం తీసుకుంది. కేసుల సంఖ్య పెరిగితే హోలీ వేడుకలపై ఆంక్షలు విధించే అవకాశం ఉంటుందని నిపుణులు అభిప్రాయపడుతున్నారు.