by సూర్య | Mon, Jan 11, 2021, 02:12 PM
కర్నూలు : శ్రీశైలం ఆలయంలో నేటి నుంచి మకర సంక్రాంతి బ్రహ్మోత్సవాలు జరగనున్నాయి. ఆలయంలో శాస్త్రోక్తంగా ప్రత్యేక పూజలు నిర్వహించనున్నారు. నేటి సాయంత్రం 5 గంటల నుంచి అంకురారోపణ ధ్వజారోహణ ప్రత్యేక పూజలు నిర్వహించున్నారు. కోవిడ్ నివారణలో భాగంగా ఈ సంవత్సరం స్వామి అమ్మవార్ల గ్రామోత్సవాన్ని తాత్కాలికంగా నిలుపుదల చేయనున్నట్టు ఈఓ కెఎస్ రామారావు తెలిపారు. ఆలయ మాడ వీధులలో శ్రీస్వామి అమ్మవార్ల ఊరేగింపు ఉత్సవాల సందర్భంగా ప్రతిరోజూ శ్రీస్వామి అమ్మవార్లకు విశేష పూజలు, వాహనసేవలు నిర్వహించనున్నారు.
నేటి నుంచి 17వ తేదీ వరకు ఆర్జిత హోమాలైన రుద్రహోమం, మృత్యుంజయ హోమం, చండీ హోమం స్వామి అమ్మవార్ల కల్యాణం, ఏకాంతసేవలను నిలపుదల చేయనున్నట్టు ఈఓ కెఎస్ రామారావు తెలిపారు.
బ్రహ్మోత్సవాల షెడ్యూల్..
• శ్రీశైలంలో ఈ రోజు నుంచి ప్రారంభం కానున్న సంక్రాంతి బ్రహ్మోత్సవాలు
• ఈ నెల 17న ముగియనున్న సంక్రాంతి బ్రహ్మోత్సవాలు
• ఈ ఉదయం 8.30 గంటలకు యాగశాల ప్రవేశం
• ఈ సాయంత్రం 5.00గంటల నుండి అంకురారోపణ ధ్వజారోహణ కార్యక్రమాలు
• కోవిడ్ నివారణ చర్యలు పాటిస్తూ ఉత్సవాల నిర్వహణ
• కోవిడ్ నివారణలో భాగంగా ఈ సంవత్సరం గ్రామోత్సవం నిలుపుదల
• ప్రాకారోత్సవములో ఆలయమాడవీధులలో శ్రీస్వామిఅమ్మవార్ల ఊరేగింపు
• ఉత్సవాల సందర్భంగా ప్రతిరోజు శ్రీస్వామిఅమ్మవార్లకు విశేషపూజలు, వాహనసేవలు,
• 11వ తేదీ నుండి 17వ తేదీ వరకు ఆర్జిత హోమాలైన రుద్రహోమం, మృత్యుంజయహోమం, చండీహోమం మరియు స్వామిఅమ్మవార్లకల్యాణం, ఏకాంతసేవలను నిలపుదల
• 13వ తేదీన ఉదయం ఆలయప్రాంగణంలోని అక్కమహాదేవి అలంకార మండపంలో సామూహిక భోగిపండ్ల కార్యక్రమం
• 14వ తేదీన మహిళలకు ముగ్గులపోటీలు
• 16వ తేదీన వేదసభ కార్యక్రమం
• కనుమ పండుగ రోజున (15.01.2021) సంప్రదాయబద్దంగా గో పూజ మరియు బాలబాలికలకు వ్యాసరచన, వకృత్త్వ (ఉపన్యాస) పోటీలు.
Latest News