by సూర్య | Fri, Jan 24, 2020, 07:38 PM

బాలికలు, మహిళల సంరక్షణ కోసం టీడీపీ అనుబంధ విభాగం తెలుగు మహిళా ఆధ్వర్యంలో, త్వరలో కాల్ సెంటర్ ఏర్పాటు చేయనున్నారు. ఈ మేరకు తెలుగు మహిళా అధ్యక్షురాలు జోత్స్న వెల్లడించారు. రాష్ట్రంలో బాలికలు, యువతుల మీద జరుగుతున్న అఘాయిత్యాలు తీవ్రంగా కలచివేస్తున్నాయని ఆమె ఆవేదన వ్యక్తం చేశారు. జాతీయ బాలికా దినోత్సవాన్ని పురస్కరించుకుని తెలుగు మహిళా నాయకులు ఎన్టీఆర్ ట్రస్ట్ భవన్​లో సమావేశమయ్యారు. మిస్సింగ్ కేసులను ఛేదనలో ప్రభుత్వం- పోలీసులు విఫలమవుతున్నారని అన్నారు. ప్రభుత్వం బాలబాలికల రక్షణ కోసం రోడ్ మ్యాప్ విడుదల చేయాలని డిమాండ్ చేశారు.