by సూర్య | Fri, Oct 11, 2019, 01:42 PM

ఫ్లిప్ కార్ట్ లో జరుగుతున్న మొబైల్ సేల్ లో భాగంగా రూ.25 వేలు విలువైన ప్రముఖ కంపెనీకి చెందిన స్మార్ట్ ఫోన్ రూ.8,639కే లభిస్తోంది. అదే కంపెనీ ఫోన్? అందులో ఉన్న స్పెసిఫికేషన్లేంటి? ప్రత్యేక ఫీచర్లేంటి?

అవును! మీరు చదివింది నిజమే! రూ.24,999 ఎమ్మార్పీగా గల పానసోనిక్ ఎలూగా ఎక్స్1 స్మార్ట్ ఫోన్ ఇప్పుడు కేవలం రూ.8,639కే ఫ్లిప్ కార్ట్ లో లభిస్తోంది. తక్కువ ధరకు ఇస్తున్నంత మాత్రాన ఇందులో ఫీచర్లు తీసిపారేయదగ్గ స్థితిలో ఏమీ లేవు. దీని ఫీచర్లు కూడా అద్భుతంగానే ఉన్నాయి. సిటీ క్రెడిట్, డెబిట్ కార్డులపై కొనుగోలు చేసేవారికి మరో పది శాతం అదనపు డిస్కౌంట్, హెచ్ డీఎఫ్ సీ బ్యాంక్ డెబిట్ కార్డులపై కొనుగోలు చేసేవారికి పది శాతం అదనపు క్యాష్ బ్యాక్ లభించనున్నాయి. అంటే ఈ కార్డుల ద్వారా కొనుగోలు చేసేవారు ఈ ఫోన్ ను రూ.7,700కే కొనుగోలు చేయవచ్చు. అలాగే ఫ్లిప్ కార్ట్ యాక్సిస్ బ్యాంక్ కార్డు, యాక్సిస్ బ్యాంక్ బజ్ క్రెడిట్ కార్డులపై కొనుగోలు చేసే వారికి ఐదు శాతం అదనపు తగ్గింపు లభిస్తుంది. మరి ఈ ఫోన్ లో ఉన్న ఫీచర్లపై ఓ లుక్కేయండి!

పానసోనిక్ ఎలూగా ఎక్స్1 స్మార్ట్ ఫోన్ ఫీచర్లు...

ఇందులో 6.18 అంగుళాల ఫుల్ హెచ్ డీ+ డిస్ ప్లేను అందించారు. యాస్పెక్ట్ రేషియో 19:9గా ఉన్న నాచ్ తో కూడిన డిస్ ప్లే ఇందులో ఉంది. స్క్రీన్ రిజల్యూషన్ 1080x2246 పిక్సెల్స్ గా ఉంది. ఇక ప్రాసెసర్ విషయానికి వస్తే ఇందులో హీలియో మీడియాటెక్ పీ60 ప్రాసెసర్ ను అందించారు.

ఇందులో వెనకవైపు 16 మెగా పిక్సెల్, 5 మెగా పిక్సెల్ సామర్థ్యమున్న రెండు కెమెరాలు ఉన్నాయి. అలాగే ముందువైపున ఉన్న 16 మెగా పిక్సెల్ సామర్థ్యమున్న ఏఐ కెమెరా ద్వారా సెల్ఫీలను అద్భుతంగా తీసుకోవచ్చు. వెనకవైపునున్న కెమెరాల్లో సీన్ డిటెక్షన్, బొకే ఎఫెక్ట్, ఆటో ఫోకస్, పనోరమ, నైట్ మోడ్, ప్రొఫెషనల్ మోడ్, 5P లెన్స్ ఎలిమెంట్ వంటి ఫీచర్లు ఉన్నాయి. అంతేకాకుండా టైమ్ ల్యాప్స్, స్లోమోషన్, హెచ్ డీఆర్, బ్యూటీ షాట్ వంటి ఫీచర్లు కూడా ఉన్నాయి.ఇందులో 4 జీబీ ర్యామ్, 64 జీబీ ఇంటర్నల్ స్టోరేజ్ అందుబాటులో ఉంది. మెమొరీ కార్డు ద్వారా 256 జీబీ మైక్రో ఎస్ డీ కార్డు వరకు ఇందులో వేసుకోవచ్చు. దీని బ్యాటరీ సామర్థ్యం 3000 ఎంఏహెచ్ గా ఉంది. ఇందులో ఉన్న హైబ్రిడ్ సిమ్ స్లాట్ ద్వారా రెండు సిమ్ కార్డులను ఇందులో వేసుకోవచ్చు. ఈ ఫోన్ పొడవు 15.5 సెంటీమీటర్లు కాగా, వెడల్పు 7.55 సెంటీమీటర్లుగానూ, మందం 0.78 సెంటీమీటర్లుగానూ ఉంది. ఇక బరువు 195 గ్రాములు.ఇందులో ఫింగర్ ప్రింట్, ఫేస్ అన్ లాక్ ఫీచర్లు కూడా ఉన్నాయి. ఫేస్ అన్ లాక్ ఫీచర్ ఉన్న ఫోన్ ఇంత తక్కువ ధరలో మార్కెట్లోకి రావడం ఇదే మొదటిసారి. వైఫై, జీపీఎస్, బ్లూటూత్ 4.2, యూఎస్ బీ సపోర్ట్ ఫీచర్లు కూడా ఇందులో ఉన్నాయి. అంతేకాకుండా యాక్సెలరోమీటర్, ప్రాక్సిమిటీ సెన్సార్, యాంబియట్ లైట్ సెన్సార్, కంపాస్, గైరోస్కోప్, హాల్ సెన్సార్లను అందించారు. కాబట్టి ఈ బడ్జెట్ లో స్మార్ట్ ఫోన్ కొనాలని ఎవరైనా ఎదురుచూస్తుంటే ఈ మొబైల్ ని ఒక సారి ట్రై చేయండి.