శేషాచలం అటవీ ప్రాంతంలో అరుదైన కప్ప గుర్తింపు

by సూర్య | Wed, Jul 10, 2024, 09:22 PM

తిరుపతి, తిరుమల ప్రాంతంలో విస్తరించి ఉన్న శేషాచలం అటవీ ప్రాంతంలో అరుదైన కప్ప కనిపించింది. శ్రీలంకలో కనిపించే అరుదైన జాతికి చెందిన ‘శ్రీలంకన్‌ స్యూడో ఫిలేటస్‌ రిజియస్‌’గా పిలిచే ఈ కప్పును పరిశోధకులు గుర్తించారు. శేషాచలం అడవుల్లో గోధుమ రంగు చెవి పొద కప్ప ఉన్నట్లు తెలిపారు. తలకోన సమీపంలో ఈ కప్ప సంచారానికి సంబంధించిన వివరాలను, ఆధారాలను శాస్త్రవేత్తలు, జీవవైవిధ్య మండలి పరిశోధకులు వెల్లడించారు.శ్రీలంక ద్వీపంలో నీటి ఆధారిత ప్రాంతాల్లో ఈ అరుదైన కన్న కనిపిస్తుంటుంది. శేషాచలం అడవుల్లోని తలకోన జలపాతం ప్రాంతంలో ఈ కప్ప కనిపించినట్లు జియోలాజికల్‌ సర్వే ఆఫ్‌ ఇండియా డైరెక్టర్‌ ధ్రితి బెనర్జీ తెలియజేశారు. న్యూజిలాండ్‌ నుంచి వచ్చే ఇంటర్నేషనల్ పేపర్ జూటాక్స్‌లో పరిశోధన వ్యాసం ప్రచురితమైందని తెలిపారు. ఒకప్పుడు భారతదేశం, శ్రీలంక భూభాగాలు కలిసే ఉండేవన్న వాస్తవాన్ని ఈ పరిశోధన నిరూపిస్తోంది అన్నారు పరిశోధకులు.


ఈ అరుదైన కప్ప రాకోఫోరిడే కుటుంబంలోని కప్పల జాతికి చెందినగా చెబుతారు..ఇది శ్రీలంకకు చెందినదిగా చెబుతున్నారు. ఈ కప్పలు ఎక్కువగా తేమతో కూడిన లోతట్టు అడవులు , పర్వత ప్రాంతంలో ఉండే అడవులు , తోటల్లో ఉంటాయి. ఈ కప్ప వెనుక చర్మం ముదురు గోధుమ రంగు పట్టీలు, ఇతర గుర్తులతో బూడిద-గోధుమ రంగులో ఉంటుంది. భుజాలపై పసుపు-ఆకుపచ్చ రంగు, మధ్యలో ఎరుపు-గోధుమ రంగు, రెండు నలుపు చారలు ఉంటాయి. భుజాలు ముదురు గోధుమ రంగు గుర్తులతో పసుపు-బూడిద రంగులో ఉంటాయి. వెనుక కాళ్ల భాగాలు లేత నీలం రంగులో ఉంటాయి. పాదాల అడుగుభాగాలు తెల్లటి గుర్తులతో నల్లగా ఉంటాయి. ఈ కప్ప జాతి రాను, రాను అంతరించిపోతోంది. శేషాచలం అటవీ ప్రాంతంలో అరుదైన జంతువులు, జీవులు, మొక్కలు ఉన్నాయి. తాజాగా ఈ అరుదైన కప్ప జాడను కూడా కనిపెట్టారు. శ్రీలంకలో కనిపించే ఈ కప్పలు.. ఇప్పుడు శేషాచలం అటవీప్రాంతంలో గుర్తించడం ఆసక్తికరంగా మారింది.. వీటి సంరక్షణకు ఎలాంటి చర్యలు తీసుకుంటారరన్నది కూడా చూడాలి మరి.

Latest News

 
వైసీపీ ప్రభుత్వ మద్యం అక్రమాలు.. కూపీ లాగుతున్న సీఐడీ Fri, Jul 19, 2024, 04:03 PM
ప్రభుత్వ అధికారి కారు బోల్తా.. తీవ్ర గాయాలు Fri, Jul 19, 2024, 04:00 PM
శ్రీరాములమ్మ తల్లికి పూజలు చేసిన ఎమ్మెల్యే ధూళిపాళ్ల Fri, Jul 19, 2024, 03:58 PM
తక్కువ ధరలకే కందిపప్పు, బియ్యం: తహసిల్దార్ రత్నం Fri, Jul 19, 2024, 03:51 PM
ల్యాండ్ టైటిలింగ్ యాక్ట్ రద్దు స్థిరాస్తిదారులకు మేలు Fri, Jul 19, 2024, 03:50 PM