by సూర్య | Sat, Jun 22, 2019, 08:06 AM

నటుడు కమల్‌హాసన్ త‌మిళ ఛాన‌ల్‌లో  బిగ్‌బాస్‌-3 నిర్వ‌హ‌ణ‌కు ఓవైపు సిద్ద‌మ‌వుతుంటే, ఈ కార్యక్రమ ప్రసార‌మే నిల‌పి వేయాల‌నిఇందుకు స్టే  మంజూరు చేయాలని కోరుతూ మద్రాసు హైకోర్టులో పిటిషన్‌ దాఖలు చేసారో న్యాయ‌వాది. ఇందుకు సంబంధించిన వివ‌రాల‌లోకి వెళితే.  బిగ్‌బాస్‌ సీజన్‌ 1, సీజన్ 2  త‌దుప‌రి 23వ తేదీ నుంచి  బిగ్‌బాస్‌-3  ప్రారంభం కానున్న‌ నేపథ్యంలో ఈ కార్యక్రమంలో  పాల్గొనే పోటీదారులు అశ్లీలంగా దుస్తులు ధరిస్తున్నారని, ద్వంద్వార్థాలతో మాట్లాడుతున్నారని , ఇది యువతకు పరిపాటియైనా తల్లిదండ్రులకు ఇబ్బందిక‌రంగా మారింద‌ని,   అందువల్ల ఈ కార్యక్రమాన్ని ప్రసారం చేసేందుకు ముందుగా సెన్సార్‌ బోర్డు తో తనిఖీ చేయించాలని అప్ప‌టి వ‌ర‌కు ఈ కార్య‌క్ర‌మ ప్ర‌సారాల‌పై స్టే విధించాల‌ని మద్రాసు హైకోర్టులో  న్యాయవాది సుదన్ కోర్ట్ త‌న పిటీష‌న్‌లో కోరారు.  ఇప్ప‌టికే ప్ర‌సారానికి అన్ని ఏర్పాట్లు పూర్తి చేసుకున్నందున పిటీస‌న్ ర‌ద్దు చేయాల‌ని కోరుతోంది ఛాన‌ల్, మ‌రి కోర్టు నిర్ణ‌యం ఏముంటుందోన‌ని స‌ర్వ‌త్రా ఉత్కంఠ నెల‌కొందిప్పుడు.